膠原自生不老承諾

有效的利用這項療程來預防最大限度的減緩衰老

Blog

  • 冷凍溶脂(Cryolipolysis) ... - Estee Premier JBCS - Facebook

    冷凍溶脂利用人體脂肪內的三酸甘油酯在5℃的低溫下轉化成固體,通過非侵入性冷凍能量提取裝置精確控制的冷凍能量輸送到指定的溶脂部位,有針對性地消除指定 ...

  • 轉角‏ @cni9k

    【國人正在消失的十大情感】 1、懺悔。2、善良。3、悲憫。4、愛情。5、真誠。6、膽色。7、平和。8、謙卑。9、敬畏。10、博愛。 【國人正在壯大的十大情感】 1、功利。2、冷漠。3、自私。4、暴戾。5、猥瑣。6、貪婪。7、虛偽。8、恐懼。9、矯情。10、淫慾。 pic.twitter.com/YsphCXQ3rs

  • 化妝- Google+

    系女神眼線- 古董洋娃娃原宿妝- 馬卡龍甜心女神妝- 唇妝- 伴娘妝. no plus ones. no comments. no shares. Post has attachment. 化妝. Public... Feb 16, 2015.

《美女廚房》新不如舊負評如潮:主持一味坐定定等食唔識搞氣氛

    作者:Brenda 時間:2018-06-03 19:47:09 標籤: 分類:

 

由阿Bob、蕭正楠、張振朗擔任主持的最新一輯《美女廚房》,於昨晚6月2日首播。一如所料,網上負評如潮,畢竟有鄭中基、梁漢文、方力申主持的第一、二輯在前,對比之下高下立分。

雖則第一集有農夫做嘉賓,但唔少網民都依然鬧爆個節目唔好笑,指若果唔係有農夫撐住個場,根本睇唔落去,所以話「第二集開始無農夫可以唔使再睇,部電視又要封塵了」,仲話三位新主持「剩係識坐定定等食,根本唔識搞氣氛」。我哋睇一睇返舊時鄭中基三人主持嘅截圖,成個氛圍又真係感覺得出熱烈高漲好多,起碼可以打成一片,睇落都自然啲無咁造作吖嘛。

另外,有網民懷疑今輯啲參賽嘉賓一早知道曬要煮咩菜式,一來係因無現場觀眾,自己人關埋門跟劇本拍根本無人知。二來係就算煮得唔好食,但都可以煮得有板有眼,完全無出現以前嗰啲地獄級聞到都想嘔菜式,就連捉活生生嘅食材啲女嘉賓都無咿嘩鬼叫,似係練習過曬。
講起現場觀眾,千萬咪睇少佢哋嘅作用呀,好多都係真性情反映童叟無欺架,以前更有位哥哥仔試過啲地獄級菜式之後,堅係俾白車車咗入深切治療部住咗兩日添。

至於評分部分亦被指講嘢唔夠mean、俾分太鬆手,根本做唔出識有嘅綜藝效果。咁又係呀,今輯《美女廚房》啲評分,好食又10分8分,唔好食又10分8分,生嘅都可以5分合格,然後評語嚟嚟去去都係「睇得出有heart」、「好欣賞所以加你分」。比起以前兩輯,「隔住口罩食都頂唔順」、「真係有屎味架」、「結焦渠蓋龜苓膏」,然後俾負10000分、64分再開方,真係評到一文不值、難食就難食無情講,只能話今輯班主持係大台人,參賽嘉賓又係大台花旦,自己人評自己人就梗係和和氣氣俾曬友情分啦,學志偉話齋:「打和。」

講咗咁多負評之後,點都要讚返下嘅,咪就係估唔到龔嘉欣原來係咁賢妻良母feel,煮起嘢上嚟堅係有水準,巴打們都即刻加曬分俾佢,話好想娶佢返屋企。

本文來源:http://nextplus.nextmedia.com/news/latest/20180603/591182